wave-3- 29-4-2014
കോലം - ഡോ കെ ജി ബാലകൃഷ്ണൻ
=================================
ഓരിലക്കനവായും
പൂനിലാച്ചുരുളായും
നേരിന് കിരണമായ്
ഉണരും മൊഴിവായും
വീണയിൽ വിരൽത്തുമ്പിൻ
പ്രേമമന്ത്രണമായും
വേണുവിൽ, ചൊടിച്ചോപ്പിൻ
രാഗചുംബനമായും,
വാനനീലിമ നീട്ടും
പൊരുളിൻ സുതാര്യമാം
ഗാനമാധുരിയായു-
മുണ്മതൻ കനിവായും!
നിർന്നിമേഷമേ, നിത്യ-
സത്യമേ, നീയെന്മുന്നി-
ലുർവിയായുണരുന്നു;
ഭാതമായ് സംഭൂതമായ്!
പിന്നെയും കാലത്തേരി-
ന്നുരുളായുരുളുന്നു;
ചിന്മയം നിതാന്തമായ്
ചോദനമരുളുന്നു!
രാപ്പകലുകൾ തീർപ്പ-
തേത് മാന്ത്രികൻ താനാം?
കോപ്പ് കൂട്ടുവതാരീ
ചെന്നിറപ്പുലർവാനം?
======================
29-4-2014
======================
No comments:
Post a Comment